إعلانات مدفوعة
بطّل تدفع لاعلانات جوجل وميتا وانت مش عارف شو رجعلك
«صرفنا على فيسبوك وما إجا ولا زبون»، بسمعها كثير. المشكلة نادراً بتكون بالميزانية، بالعادة بتكون إنه الإعلان بيوصل لناس غلط، أو بيوصل لناس صح برسالة غلط، أو إنه ما في تتبع أصلاً فما حدا بيعرف شو صار.
أول خطوة تشخيص مجاني، بلا أي التزام.
إذا هاي حالتك، إحنا بنحكي عن نفس الإشي
- بتدفع كل شهر وما بتعرف كل دينار رجّعلك قديش
- الإعلان بيجيب لايكات ورسايل «كم السعر؟» وما حدا بيشتري
- البكسل مش مركّب أو مركّب غلط. يعني ميتا بتتعلّم من لا إشي
- جرّبت تشتغل مع حدا وصرفلك الميزانية بأسبوع بلا نتيجة
شو بتاخد بالضبط
- إعداد البكسل والأحداث صح، أساس أي حملة بتشتغل
- بناء الجماهير
مشابهة، إعادة استهداف، واستبعاد اللي اشترى
- ٣ إلى ٥ نسخ إعلانية مختلفة للاختبار مش نسخة وحدة
- تقرير شهري بلغة مفهومة
صرفت كذا، إجاك كذا عميل، كلفة العميل كذا
- توصية واضحة كل شهر
نكبّر، نصغّر، ولا نوقف ونغيّر
وشو اللي ما بتحلّه لحالها؟
للصراحة: إعلانات مدفوعة لحالها مش بالضرورة بتحل مشكلة البيع. التسويق شبكة مترابطة، وكل حلقة بتقوّي اللي بعدها. هاي الحلقات اللي بتشتغل مع هاي الخدمة، وليش:
شغل حقيقي مش كلام
أسئلة بتيجي دايماً
قديش أقل ميزانية إعلانية تنفع؟
عملياً بالأردن، أقل من ٥ دنانير باليوم ما بتعطي ميتا بيانات كافية تتعلم منها، فبتصرف بلا نتيجة. الرقم اللي بنصح فيه للبداية بين ١٠ و١٥ دينار باليوم لمدة شهر على الأقل، عشان تطلع بقرار مبني على أرقام حقيقية.
الميزانية الإعلانية داخلة بسعرك؟
لأ، منفصلة تماماً وبتدفعها انت مباشرة لميتا أو جوجل من حسابك. أنا بتقاضى مقابل الإدارة والتنفيذ. وهاد لصالحك: الحساب باسمك، البيانات إلك، ولو وقّفنا الشغل بتضل مالك كل اشي.
بعد قديش بتبين النتيجة؟
أول أسبوعين تعلّم وجمع بيانات، لا تحكم فيهم. من الأسبوع الثالث بتبدأ تشوف اتجاه واضح. القرار الحقيقي بيتاخد بعد شهر كامل، وعن جد ما تسحب قبل هيك لأنك بتخسر التعلّم كله.
بتضمنلي مبيعات؟
لأ، وأي حدا بيضمنلك مبيعات إما بيكذب أو ما بيفهم. اللي بضمنه: إعداد صح، اختبار منهجي، وأرقام شفافة كل شهر. النتيجة بتعتمد كمان على سعرك ومنتجك وسرعة ردّك على العميل. وهدول مش بإيدي.
محاكاة
عندك ميزانية تسويق. وين بتحطها؟
وزّع ميزانيتك على القنوات الخمس وشوف شو بترجّعلك. لما تخلص، بوريك توزيعي أنا وليش.
قبل ما تلعب، ثلاث نقاط لازم تكون واضحة
- الرقم شهري ومتكرر. لو اخترت ١٠٠٠ دينار، هاي ميزانية كل شهر. مش دفعة وحدة. ولهيك رقم الشهر الأول ورقم الشهر السادس بيطلعوا مختلفين.
- «الموقع والـ SEO» صرف شهري مستمر. صفحات جديدة، تحسينات، محتوى، وترتيب بجوجل. بناء موقع من الصفر مشروع لحاله وله ميزانية لحالها، لا تقرا ٢٠٠ دينار هون على إنها سعر موقع.
- هاي ميزانية التنفيذ، مش أتعابي. المبلغ اللي بتوزّعه بيروح لميتا، وللتصوير والإنتاج، وللاستضافة والأدوات، مصاريف بتدفعها بغض النظر عن مين بيشتغل معك. أتعابي مقابل القرارات اللي بتخلّي هالمصاريف ترجّع بدل ما تضيع، وبنتفق عليها لحالها حسب حجم الشغل.
كل دينار بتزيده على قناة، بيطلع من القنوات الثانية، زي الواقع بالضبط.
النتيجة المتوقّعة
عميل محتمل بالشهر الأول
156
تكلفة العميل الواحد
6.4د
عملاء بالشهر السادس
364
هاي محاكاة تعليمية مبنية على متوسطات السوق الأردني وتجربتي بالشغل. الأرقام تقريبية وبتتغيّر حسب مجالك ومنتجك وجودة التنفيذ، وهي ميزانية تنفيذ شهرية ما بتشمل أتعابي. «عميل محتمل» = رسالة أو استفسار أو تعبئة نموذج. مش عملية بيع مكتملة.
افتح اللعبة كاملة ←ابدأ مشروعك
احكيلي عن مشروعك
ثلاث خطوات قصيرة، وبرجعلك خلال ٢٤–٤٨ ساعة برأي واضح: شو بينفع، شو ما بينفع، ومن وين نبدأ.
- 01 الخدمة
- 02 المشروع
- 03 التواصل
اختار كل اللي بينطبق عليك.
ما بشارك تفاصيل مشروعك مع حدا. بترجعلك مني شخصياً.
خدمات ثانية
موقع إلكتروني
موقع بيشتغل، مش بس بيبيّن حلو
تحسين محركات البحث
تطلع لما حدا يدوّر عن شغلك
هوية بصرية
لوجو ونظام كامل بتقدر تشتغل فيه
إدارة سوشال ميديا
حساب بيبني جمهور، مش بيعبّي فراغ
مونتاج فيديو
ريلز وإعلانات بتوقّف الإصبع
استراتيجية تسويق
خطة مكتوبة بتعرف تنفّذها
استشارة أو تدريب
تتعلّمها بنفسك بدل ما تدفع كل شهر
تحليل البيانات
تعرف شو بيشتغل قبل ما تصرف أكثر
وكلاء ذكاء اصطناعي وأتمتة
شغل بيعيد نفسه كل يوم، خليه ينعمل لحاله
RAYAN ELWATHIQ