تحسين محركات البحث
الناس عم تدوّر عن خدمتك هلأ. شغل الـ SEO إنهم يلاقوك
الإعلان بيوقف لما توقف تدفع. البحث بيضل يجيبلك ناس وانت نايم. بس الـ SEO مش «كلمات مفتاحية بالنص»، هو بنية تقنية ومحتوى بيجاوب على سؤال حقيقي، وهاد بياخد وقت وبيستاهل.
أول خطوة تشخيص مجاني، بلا أي التزام.
إذا هاي حالتك، إحنا بنحكي عن نفس الإشي
- بتكتب اسم خدمتك بجوجل وبتلاقي منافسينك وانت مش موجود
- عندك موقع من سنين وما جابلك ولا عميل واحد من البحث
- حدا أخد منك مصاري مقابل «SEO» وما بتعرف شو عمل بالضبط
- ما بتعرف إذا ChatGPT بيعرفك أصلاً لما حدا يسأله عن خدمتك
شو بتاخد بالضبط
- فحص تقني كامل
سرعة، فهرسة، روابط مكسورة، ومشاكل الموبايل
- بحث كلمات مفتاحية حقيقي بالسوق الأردني، شو الناس بتكتب فعلاً
- خطة محتوى
أي صفحة تستهدف أي كلمة وليش
- بيانات منظّمة (Schema) عشان تطلع بشكل مميز بنتائج البحث
- تهيئة للـ AI
عشان ChatGPT و Perplexity يذكروك لما حدا يسأل
- تقرير شهري بترتيبك ومن وين إجاك الزوار
باقات SEO
شغل الـ SEO بيمشي بباقات شهرية، لأنه الترتيب بالبحث مش ضربة وحدة: بحث كلمات، تحسينات تقنية، محتوى بيترتب، ومتابعة شهرية بالأرقام. كل باقة بتنبنى على وضع موقعك الحالي وحجم المنافسة بسوقك.
وبلا أسعار جاهزة عن قصد: السعر بيطلع من تشخيص موقعك، مكتوب بنطاق واضح، وثابت بعد الاتفاق. احكيلي وبقلك أي باقة بتناسب وضعك.
شو بيصير تحت الغطا
الـ SEO من برّا بيبين «كلمات مفتاحية». من جوّا، هاي عيّنة من الطبقات اللي بشتغل عليها فعلياً:
وشو اللي ما بتحلّه لحالها؟
للصراحة: تحسين محركات البحث لحالها مش بالضرورة بتحل مشكلة البيع. التسويق شبكة مترابطة، وكل حلقة بتقوّي اللي بعدها. هاي الحلقات اللي بتشتغل مع هاي الخدمة، وليش:
شغل حقيقي مش كلام
أسئلة بتيجي دايماً
بعد قديش بشوف نتيجة؟
التحسينات التقنية بتبين خلال أسابيع. الترتيب على كلمات تنافسية بياخد من ٣ لـ ٦ شهور، وأحياناً أكثر حسب المنافسة. أي حدا بيوعدك بالصفحة الأولى خلال شهر بيبيعك وهم.
بتضمن الصفحة الأولى بجوجل؟
لأ. جوجل ما بيبيع مراكز وما حدا بيقدر يضمنها. وهاي سياستهم المعلنة. اللي بضمنه إنه موقعك بيصير مفهوم لجوجل، سريع، وبيجاوب على السؤال أحسن من غيرك. وهاد اللي بيرفع الترتيب فعلياً.
شو الفرق بين الـ SEO وتهيئة الـ AI؟
الـ SEO بيخليك تطلع بقائمة نتائج جوجل. تهيئة الـ AI بتخليك تنذكر جوّا الإجابة نفسها لما حدا يسأل ChatGPT أو جوجل «مين أحسن حدا يعملّي كذا بعمّان». الناس بدأت تسأل بدل ما تبحث، والاثنين بدهم شغل مختلف شوي.
بتشتغل SEO لموقع مش انت عامله؟
أيوه. بس أول اشي بعمله فحص، وإذا طلع الموقع مبني بشكل بيمنع الترتيب أساساً بقولك بصراحة إنه إعادة البناء أرخص من محاولة إصلاحه، حتى لو هاد يعني إني ما آخد الشغلة.
لعبة قصيرة
الرحلة المسرّبة
ألف واحد كبسوا على إعلانك، وبين الكبسة والشراء أربع محطات كلها بتسرّب. شخّص كل محطة واختار الإصلاح الصح، وشوف كم واحد بيوصل معك للآخر.
لعبة قصيرة
ألف كبسة دفعت حقها. وصّلها.
- ٤ محطات، بكل وحدة تسريب
- اقرأ العَرَض واختار إصلاح من ثلاثة
- الإصلاح الغلط مش غبي، هو الشائع
كمّلوا من هون
أتموا الشراء من أصل ١٬٠٠٠ كبسة
الأرقام توضيحية لمنطق الرحلة، مش توقع لمشروعك. رحلة مشروعك بتنرسم من تشخيصه.
ابدأ مشروعك
احكيلي عن مشروعك
ثلاث خطوات قصيرة، وبرجعلك خلال ٢٤–٤٨ ساعة برأي واضح: شو بينفع، شو ما بينفع، ومن وين نبدأ.
- 01 الخدمة
- 02 المشروع
- 03 التواصل
اختار كل اللي بينطبق عليك.
ما بشارك تفاصيل مشروعك مع حدا. بترجعلك مني شخصياً.
خدمات ثانية
موقع إلكتروني
موقع بيشتغل، مش بس بيبيّن حلو
إعلانات مدفوعة
إعلانات ممولة على ميتا وجوجل، بميزانية بتعرف وين راحت
هوية بصرية
لوجو ونظام كامل بتقدر تشتغل فيه
إدارة سوشال ميديا
حساب بيبني جمهور، مش بيعبّي فراغ
مونتاج فيديو
ريلز وإعلانات بتوقّف الإصبع
استراتيجية تسويق
خطة مكتوبة بتعرف تنفّذها
استشارة أو تدريب
تتعلّمها بنفسك بدل ما تدفع كل شهر
تحليل البيانات
تعرف شو بيشتغل قبل ما تصرف أكثر
وكلاء ذكاء اصطناعي وأتمتة
شغل بيعيد نفسه كل يوم، خليه ينعمل لحاله
RAYAN ELWATHIQ