التحدي
شركة طاقة شمسية شغّالة من ٢٠١٥، ركّبت أنظمة لمنازل وفازت بعطاءات حكومية. بس هويتها البصرية كانت بتخلّيها تبيّن ورشة صغيرة. والأصعب: السوق كان مليان اعتقادات مغلوطة عن الطاقة الشمسية بتقتل البيع قبل ما يبلّش. الناس ما كانت ترفض السعر، كانت ترفض فكرة ما فهمتها.
المقاربة
اشتغلنا على خطّين مع بعض. الأول: بنينا الهوية من اللوجو لفوق، نظام كامل يشتغل على كل مقاس ومنصة، مش لوجو ملوّن وخلص. الثاني، وهو الأهم: بدل ما ننزّل صور منتجات، جمعنا الأسئلة والاعتراضات الحقيقية اللي بتوصل الشركة من السوق، وبنينا عليها حملة تثقيفية بتجاوب عليها وحدة وحدة، «شو بستفيد بالشتا؟» «الفاتورة مقابل سعر النظام» «هل فعلاً بوفّر؟».
النتيجة
٣٢ قطعة بلغة بصرية واحدة، مرتّبة بحيث لما تنزل جنب بعض على الصفحة تبيّن كأنها رسمة وحدة متواصلة. والمحتوى بطّل يعلن، صار يناقش. وهاد الفرق بين صفحة بتنشر وصفحة بتبيع.